حكومة مابتختشيش

اكيد انتوا تعرفوا اني مؤيد بقوة لحركة 6 ابريل
بس برضة يا جماعة كلنا عارفين ان الاضراب بيضر بمصالح مصر الداخلية و الخارجية و مصالح المواطنين
و انا كنت قاعد امبارح مع واحد من الحزب الوطني
و الراجل اقنعنى فعلا بمساوئ الاضراب اللى احنا مش واخدين بالنا منها
اقروا الكلام دا و انتوا تقتنعوا فعلا
--------
كلنا كمصريين عارفين ان الموظفين اغلبهم اخد يوم الثلاثاء و الاربعاء (بكرة و بعده) اجازة عارضة .
و كدا بقى

الجمعة 25/4
اجازة حكومية

السبت 26/4
اجازة حكومية

الأحد 27/4
اجازة عيد تحرير سيناء

الاثنين 28/4
اجازة شم النسيم

الثلاثاء 29/4
اجازة عارضة

الاربعاء 30/4
اجازة عارضة

الخميس1/5
اجازة عيد العمال

الجمعة 2/5
اجازة حكومية

السبت 3/5
اجازة حكومية

و دا معناه ان نص الشعب اخد اجازة 9 ايام مرة واحدة
تيجوا انتوا يا شوية عيال عايزين تعملوا اضراب و اجازة يوم عاشر
الاحد4/5
و مصالح البلد تتعطل
والله انتوا مانتوا حاسين بالبلد و ان يوم عطلة دا بيعطل مصالح 265893 مواطن بيقضوا مصالح يومية في مختلف الادارات الحكومية

فياريت يكون عندكم بعد نظر و تقدروا ان البلد مش ناقصة يوم عطلة
و ياريت تلغوا الاضراب و محدش يشارك فيه علشان ماتزعزعوش امن الوطن

حتى ان البابا شنودة و الشيخ طنطاوي اكدوا على خطورة الاضراب ومافيها من تعطيل لمصالح المواطنين
وكلنا لازم نحترم وجهة النظر الاخري
و شكرا
---------------
طبعا كلكم اقتنعتم بوجهة النظر الجبارة دي
حكومة فعلا ماتختشيش

منقول من جروب اضراب 6ابريل

بقلم الدكتور ****